Fréttir

  • Eins árs afmæli Rammagerðarinnar í Hörpu

    Eins árs afmæli Rammagerðarinnar í Hörpu

    Hönnuðir og fag­ur­ker­ar mættu í Hörpu á laug­ar­dag­inn til að fagna eins árs af­mæli versl­un­ar­inn­ar í Hörpu.

    Fjöldi hönnuða kynnti vör­ur sín­ar fyr­ir gest­um og gang­andi.

    Haldið var veg­legt hönn­un­ar­happ­drætti af þessu til­efni og Berg­lind Festi­val, rödd Ramma­gerðar­inn­ar, dró út vinn­inga við mik­inn fögnuð.

    Ramma­gerðin hef­ur tekið stakka­skipt­um und­an­far­in ár og í stað fjölda­fram­leiddra túrista­vara er hún orðin heim­ili ís­lenskr­ar hönn­un­ar.

     

     

    Halda áfram að lesa
  • Jólaköttur Rammagerðarinnar 2022

    Jólaköttur Rammagerðarinnar 2022

    Jólakötturinn er vel þekktur óvættur í íslenskum þjóðsögum. Hann var hvað þekktastur fyrir að éta þau börn sem ekki fengu nýjar flíkur fyrir jólin.

    Jólakötturinn er hannaður af Rögnu Ragnarsdóttur


    Jólakötturinn í ár er innblásinn af setningunni “þú ert það sem þú borðar" og þeir eru handrenndir á rennibekk og allir hafa sitt einstaka form, ímyndað af þeim persónum sem kötturinn át. Þetta er þriðja árið sem Rammagerðin vinnur með íslenskum hönnuðum í gerð jólakattarins en þeir nýjustu mæta í verslanir um helgina.

    Jólakötturinn er vel þekktur óvættur í íslenskum þjóðsögum. Hann var hvað þekktastur fyrir að éta þau börn sem ekki fengu nýjar flíkur fyrir jólin. Þó að kötturinn sé löngu hættur þeim óskunda er hann enn sterkur hluti af íslenskri jólahefð. Rammagerðin hóf hefðina um að fela íslenskum hönnuði gerð jólakattarins árið 2020. Tveir jólakettir hafa litið dagsins ljós, sá fyrsti var eftir Stúdíó Fléttu og svo var það Hanna Dís Whitehead sem hannaði hann árið 2021.  


    Í ár var það Ragna Ragnarsdóttir hönnuður sem varð fyrir valinu til að taka þátt í þessu skemmtilega verkefni  við gerð þriðja jólakattarins en aðeins 25 númeraðir jólakettir eru framleiddir á hverju ári sem gerir þá að einstökum safngrip.


    „Þegar ég var að búa þá til hlustaði ég mikið á handahófskennda lagalista á Spotify og varð til dæmis fyrir áhrifum frá Johnny Cash, Ginger Spice og Beyoncé svo einhverjir séu nefndir,” útskýrir Ragna. „Fyrir mér er jólakötturinn myrkravera í kattarlíki send frá Grýlu. Á myrkasta tíma ársins liggur hún í leyni, sperrir eyrun rekur út trýnið og sér jafn vel í myrkri sem og ljósi. Þannig njósnar hún um okkur mannfólkið og ef ekki er farið eftir kröfum hennar um fullnægjandi jólaundirbúning er hreinlega mjög mikil hætta á því að þetta verða manns síðustu jól. Ég tek engar áhættur og er t.d nú þegar búin að skreyta, kaupa mér ný föt, baka smákökur og byrjaði að hlusta á jólalög í október. “



    Jólaköttur Rammagerðarinnar fæst í takmörkuðu upplagi í Rammagerðinni Skólavörðustíg en verður einnig til sýnis í verslun Rammagerðarinnar í Hörpu. Ljósmyndir: Sunna Ben

    Halda áfram að lesa